昨晨世杯外围赛南美洲区赛事,巴西凭球星尼马(图右)射入1球及1次助攻,作客以2比0击败巴拉圭,今届外围赛保持6战全胜,尼马连续两场世杯外入波及助攻,尽显身价,为出战美洲国家杯壮行色。
外流兵「跪低」续踢美洲杯
今仗尼马喺开波4分钟,就为巴西先开纪录,但系「森巴兵团」迟迟都拎唔到「燕梳球」,直到补时3分钟,尼马中路个人突破,传畀后备上阵慨卢卡斯柏基达射成2比0完场。连同今仗1射1传,尼马球员生涯为巴西踢咗18场世界杯外围赛,射入11球,追平两大名宿薛高、罗马里奥慨纪录,成为巴西史上喺世杯外入波最多慨球员之一。同时,尼马目前喺国家队累积66球,仅比「史上士哥王」比利少11球,以现年29岁慨尼马嚟讲,要破纪录指日可待。
另外,早前有传「森巴兵团」打算罢踢今届美洲国家杯,惟据巴西《环球体育》报道,一众外流球星喺政府、巴西足协同球迷慨多重压力下「跪低」,将会如常参赛。